„...სტალინზე კარგი როგორ უნდა ვთქვა არ ვიცი, როდესაც ბრძანებულება ჰქონდა გამოცემული, რომ ყველა ბავშვი უნდა დაპატიმრდეს დედასთან ერთად წლინახევრამდე„
Stáhnout obrázek
დაიბადა თბილისში 1933 წლის 6 მარტს. მამა იყო ფილოლოგი, სკოლის დირექტორი, დედა მასწავლებელი. მამა გახლდათ სოციალურ-დემოკრატიული პარტიის წევრი, რის გამოც ის 1933 წელს დააპატიმრეს, აიყვანეს პირდაპირ სამსახურიდან და მიუსაჯეს 8 წელი გადასახლება. გადასახლებული იყო ციმბირში, სადაც მას ცოლმა ერთხელ ჩააკითხა. მამის დაჭერის შემდეგ გამოასახლეს ბინიდან და დედა, მისი უფროსი ძმა და თვითონ შეასახლეს უფანჯრო პატარა ოთახში. 1937 წელს ღამით წაიყვანეს დედა. თვითონ ამ დროს იყო4, ხოლო მისი ძმა 8 წლის. ძმები გაზარდა ქვრივმა მამიდამ, რომელსაც თვითონ ორი ქალიშვილი ყავდა. ბავშვობა დიდ გაჭირვებაში გაიარა. წლების შემდეგ გაიგო, რომ მამა დახვრიტეს 1937 წელს ბანაკში, დედა კი თბილისში დაპატიმრებიდანრამდენიმე დღის შემდეგ, როგორც მტრის ცოლი. 1956 წელს დაამთავრა თბილისის უნივერსიტეტის ფიზიკის ფაკულტეტი, მაგრამ ვერ დაიწყო მუშაობა სპეციალობით, რადგან იყო რეპრესირებულების ოჯახიდან. ჯერ მუშაობდა სკოლაში მასწავლებლად, შემდეგ კი მეცნიერებათა აკადემიის მართვის სისტემების ინსტიტუტში, რომლის დირექტორიც გახდა 40 წლის ასაკში. ასპირანტურა დაამთავრა, საკანდიდატო და სადოქტორო დისერტაცია დაიცვა მოსკოვში, იქვე დაქორწინდა თავის ყოფილ მოსწავლეზე თამარ ჯაშზე. ყავთ ორი ქალიშვილი და შვილიშვილები. 50 წლის ასაკში არჩეულ იქნა საქართველოს მეცნიერებათა აკადემიის წევრად, 60 წლის ასაკში აკადემიკოსი გახდა