Երաժիշտ, հետազոտող, իրավապաշտպան

Stáhnout obrázek
Կարեն Հակոբյանը երաժիշտ, հետազոտող և իրավապաշտպան է, որը բնակվում է Նյու Յորքում և Երևանում: Ծնվել է 1974 թ․, Երևանում։ Կարենի պատանեկության տարիներին՝ վերակառուցման ժամանակ, նա ընտրվել է մասնակցելու 1988 թ․ Ղրիմի «Արտեկ» ճամբարում կազմակերպվող «Վերակառուցման ակտիվիստների հավաքին», որտեղ ակտիվորեն ընդգրկվել է Լենինի անվան համամիութենական պիոներական կազմակերպության վերափոխման/բարեփոխման աշխատանքներին՝ մասնավորապես հայկական կազմակերպության բարեփոխումներին։ Ընկերների հետ միասին Կարենը նախաձեռնել է ինքնահրատ թերթ, որն այնուհետև Օպերայի հրապարակում բաժանել են Ղարաբաղյան շարժման մասնակիցներին։ Հետագայում Կարենը ակտիվորեն ներգրավված է եղել անկախ Հայաստանի տարբեր քաղաքացիական նախաձեռնություններում, այդ թվում՝ բանակում ծառայողների իրավունքների պաշտպանությանը։ Ավարտել է ԵՊՀ արևելագիտության ֆակուլտետը, Սանկտ Պետերբուրգի Հանրային ծառայության ակադեմիան, ինչպես նաև Նիդերլանդների Տվենտեի համալսարանը։ «Ինչպես գաղութացնել ազգը 19 քայլով» իր հրապարակմամբ՝ հրավիրվել է Վենետիկի բիենալեի «Ատլանտիս 11» նախագծին, մաս է կազմել Documenta 13-ի «և և և» նախագծի՝ ելույթ ունենալով «Ինչպես ողջունել առավոտը և մտնել գիշեր»։